அவள் மேல் காதல் ..!

அந்தி மாலை பொழுது 

ஆட்கள் அற்ற தெருவு

அழகான பொண்ணு

அவ மேல என் கண்ணு!

முதற்ப்பார்வையிலே

முற்றும் இழந்தேனடி

முங்கி எழுந்த கடலினிலே

முத்தெடுத்ததாய் உணர்ந்தேனடி!

உன் கண்களில் எழுந்த மின்னலடி

என்னை கவர்ந்து சென்றது சில நொடி

இனி எண்ணமெல்லாம் நீயடி - எம்

இதயத்தில் வேண்டாம் இடை வெளி!

இன்று என்னடி

பெண்ணே நகர மறக்குது

இதயம் நீயின்றித் துடிக்க மறுக்குது

வானம் கறுக்கும் போதெல்லாம், உன்

கனவு வந்து கண்ணை மறைக்குது!

தனிமை மட்டுமே எனக்கு பிடிக்குது

பெண்ணே உன் மேல் தாகம் எடுக்குது

கரம் பிடிக்கும் நாளை எண்ண

கால ஓட்டம் முள்ளாய் தைக்குது!

கிட்ட நெருங்கும் போதெல்லாம்
எட்ட செல்லும் வானமா நீ ?
கரையில் நின்று பார்ப்பவர்க்கு
கடலை தொடும் அந்தி நிலவா நீ ?

படகோட்டியும்  நானாவேன்
பறக்கும் தட்டும் போலாவேன்
பெண்ணே உன்னை கைது செய்ய

காதல் என்ற காவலனாவேன்...!